NMH med i NorPal

NorPal har som formål å mobilisere og koordinere ressursar som kan bidra til støtte og gjenoppbyggjing av palestinsk høgare utdanning.

Det var rektor på Kunsthøgskolen i Oslo, Marianne Skjulhaug, som først henvendte seg til Noregs musikkhøgskole om samarbeidet.

– Da eg hørte om initiativet, tok jeg kontakt med Arkitektur- og designhøgskolen i Oslo og Noregs musikkhøgskole, som begge gjerne ville bidra i dette arbeidet. Vi har i første omgang gått saman om det økonomiske, men ser for oss at det også kan vere aktuelt å samarbeide på andre måtar.

– Vi er glade for å kunne bidra i dette samarbeidet, som vi meiner er viktig for framtida til palestinarane. Tilgang til utdanning er essensielt i gjenoppbygginga av eit samfunn som har opplevd krig – og kanskje framleis vil oppleve meir av det.

For å realisere formålet med konsortiet er organiseringa basert på følgande premissar:

1. At organiseringa gir rom for god forankring og moglegheit for initiativ blant leiarar, tilsette og studentar ved institusjonane våre
2. At organiseringa sikrar koordinering med relevante offentlege organisasjonar og hjelpeorganisasjonar
3. At organiseringen byggjer robuste og langsiktige samarbeid med palestinske universitet og høgskoler
4. At organiseringa opnar opp for samarbeid med relevante internasjonale partnarar
5. At organiseringa legg til rette for at konsortiet kan innta ei aktiv rolle i den offentlege samtala og kontakten med politiske myndigheiter om nasjonale verkemiddel. Eit eksempel kan vere eit eige Palestina-program for å finansiere palestinske forskarar og felles FoU-prosjekt mellom palestinske og norske universitetsmiljø i regi av Noregs forskingsråd, tilsvarande satsinga på Ukraina.

Ambisjonen vår i konsortiet er å utvikle ein organisasjonsmodell og finansieringsform som gir tilstrekkeleg med administrative ressursar og utviklingskapasitet, samtidig som han er så ubyråkratisk, fleksibel og lett skalerbar som mogleg.