Den Barcelona-baserte fløyteprofessoren Albert Mora har vore på besøk i Oslo som ekstern sensor gjennom IN.TUNE. Korleis erfarte han det?
Albert Mora er fløyteprofessor på Escola Superior de Música de Catalunya (Esmuc). Han startar evalueringa si på entusiastisk vis.
– Først og fremst vil eg hylle initiativet og oppriktig takke NMH for invitasjonen til å delta som ekstern sensor på institusjonen dykkar, som er så høgt akta internasjonalt.
Når han samanliknar dei to institusjonane, peiker Albert på sjølve systemet med å bruke esterne sensorar.
– Evaluering har alltid vore eineansvaret til dei tre fløyteprofessorane på Esmuc. No som eg har erfart systemet dykkar, er eg overbevist om at å innføre det hos oss i framtida ville vore ein god idé.
Først og fremst vil eg hylle initiativet og oppriktig takke NMH for invitasjonen til å delta som ekstern sensor på institusjonen dykkar.
fløyteprofessor, Esmuc
Albert trur – og håpar – at perspektiva utanfrå var med på å gi studentane ny innsikt dei kan bruke i si eiga utvikling og det han beskriv som det framifrå arbeidet dei gjer saman med lærarane sine.
– Eg må understreke venlegheita til dei tre NMH-professorane, som oppmuntra meg til å dele inntrykka mine fritt etter eksamenskonsertane, både med dei og direkte med kandidatane etterpå.
Den erfarne fløytisten nemner også samarbeidet internt mellom lærarane på NMH, og beskriv det som eit tydeleg eksempel på teamwork.
– Dialogen mellom professorane etter kvar konsert var veldig interessant for oss alle, idet vi samanlikna og diskuterte ulike synsvinklar på tekniske og musikalske aspekt.
Han seier han ønsker å utvikle dette meir på Esmuc.
Ein viktig forskjell mellom modellane til dei to institusjonane er kravet om at studentane leverer eit forskingsprosjekt på slutten av utdanninga. I Barcelona gjeld dette også for bachelorstudentar, mens det på NMH er berre er for masterstudentar.
Eg fekk eit veldig positivt inntrykk av NMH og fløyteseksjonen, som eg hadde utmerkt kommunikasjon og givande utveksling av idear og erfaringer med. Eg håpar verkeleg å halde kontakta med dei i framtida.
Mora
Albert trur at forskingsdelen potensielt kan stå i vegen for øvinga til eksamenskonsertane. Han meiner også at krava til oppgåva er høgare på Esmuc enn i Oslo.
– På NMH legg de meir vekt på praktisk og utøvande resultat. Eg synest den innfallsvinkelen er verdifull, men også at det ville vore nyttig for studentane med meir rettleing på korleis dei produserer eit forskingsprosjekt som møter akademiske standardar.
Den endelege konklusjonen hans er:
– Eg fekk eit veldig positivt inntrykk av NMH og fløyteseksjonen, som eg hadde utmerkt kommunikasjon og givande utveksling av idear og erfaringer med. Eg håpar verkeleg å halde kontakten med dei i framtida.
