Søk om støtte til internasjonale samarbeidsprosjekt

Vil du arrangere undervisningsaktivitet på tvers av fleire ulike landegrenser?

No kan du søkje om støtte frå Erasmus-programmet til å arrangere eit internasjonalt samarbeidsprosjekt. Norges musikkhøgskole (NMH) har midlar til å støtte såkalla blanda intensivprogram (BIP), som kan gjennomførast våren 2026 eller i studieåret 2026/27.

Kva er eit blanda intensivprogram (BIP)?

Det er eit kort undervisningsopplegg som kombinerer fysisk oppmøte med digital undervisning. Dette gjer det mogleg å utvikle nye måtar å lære og undervise på, i samarbeid med minst to andre utdanningsinstitusjonar frå ulike europeiske land.

Dette må vere med:

Minst tre utdanningsinstitusjonar frå tre ulike Erasmus-land må vere med.
Minst 10 deltakarar må møte fysisk (i tillegg til deltakarar frå NMH).
Den fysiske delen må vare i minst 5 dagar.
Studentane skal få minst 3 studiepoeng (ECTS).
Deltakarane søkjer Erasmus-stipend frå si eiga utdanningsinstitusjon.

Prosjekt som inkluderer samarbeid med éin eller fleire partnarar frå IN.TUNE-nettverket vil bli prioriterte.

Frist

Frist for å melde interesse eller prosjektforslag: 15. oktober 2025.

Interessert?

Send gjerne ein e-post til internasjonalt kontor på international@nmh.no om du har spørsmål, ein idé du vil diskutere eller eit prosjekt du vil melde inn.

Ragnhild Sandbakk Nordberg,
Rådgiver