- Kl. 16:30–17:00: Presentasjonar av nye stipendiatar i NordART
- Kl. 17:00–18:30: Open prøve: Spelemannslaget Straum, stille, med Anne Hytta, Gro Marie Svidal, Håkon Høgemo, Sindre Tronrud, Sivert Holmen
Stipendiatprosjekt
Tomas Laukvik Nannestad: Normativitet, oppføringspraksis og sjølvforståing hos klassiske gitaristar
I sitt doktorgradsarbeid undersøker Tomas Laukvik Nannestad korleis musikalsk normativitet kan bli konstituert i skjæringsfeltet mellom etablerte oppføringspraksisar og subjektive oppfatningar. Nannestad stiller følgande spørsmål: Korleis blir musikalsk normativitet konstituert i krysninga av oppføringspraktiske bestanddelar og subjektive oppfatningar innan eit gitt musikalsk felt, og korleis kan ein observere, beskrive og forstå denne krysninga av praksis og sjølvforståing?
Les meir om prosjektet til Tomas Nannestad.
Kim Myhr: Skimrande samklang
I dette doktorgradsarbeidet undersøker Kim Myhr kva for moglegheiter som kan liggje i ein 12-strengsgitar. Prosjektet omfattar utforsking av 12-strengsgitarens klanglege potensial og korleis dette instrumentet kan brukast som utgangspunkt for å skape sosiale samspelsituasjonar. Myhr stiller følgande spørsmål: På kva for måter kan 12-strengsgitaren brukast til å skape sosiale hendingar der lytting og lydlaging blir foreinte i eit resonerande og inkluderande rom?